Vetëm pak muaj më parë këngëtarja e njohur demi Lovato ishte në rrezikpër jetën pasi kaloi në mbidozë në shtëpinë e saj. Ajo u dërgua menjëhrë në spital ku mori trajtimin e nevojshëm.
Në një intervistë për “Newsmax Tv” ka folur nëna e këngëtares e cila rrëfeu për ngjarjen e rëndë.
“ Është shumë e vështirë për të folur në lidhje me atë ditë. Isha e shokuar kur e mora vesh çfraë kishte dhe akoma dridhem kur e kujtoj. Vrapuam për në sallën e urgjencës dhe i shkova pranë. Ajo ishte në gjendje të tmerrshme dhe nuk më shikonte fare.
I thashë që e doja dhe më kishte pranë. Për dy ditë nuk e dinim nëse do jetonte apo jo, ishim të frikësuar”, tha Dianna de la Garza. Për gjendjen aktuale të këngëtares, Dianna tha: “Ajo po e merr veten dhe po lufton fort. Gjithë ndihma që i duhet është aty. Ajo është e lumtur, e shëndetshme. Kjo në vetvete më nxit për të ardhmen e saj dhe për të ardhmen e familjes sonë.”