Teksa ka qenë me pushime në Shqipëri vitin e kaluar, Emina ka ndihmuar disa familje të varfëra dhe ka udhëtuar në vende të ndryshme të Shqipërisë së bashku me drejtuesit e nismës “fundjavë Ndryshe”.
Ditën e djeshme ajo ka publikuar në Instagram një video mesazh ku ka njoftuar se do të jetë antare e Bordit “Fundjavë Ndryshe” në Shqipëri dhe veç kësaj ajo do të vijë sërish në tetor për të dhënë kontributin e saj.
“Miq të Dashur,
Në Tetor do të vizitoj Shqipërinë, për disa projekte humanitare, si Anëtare e Bordit të Fondacionit Fundjavë Ndryshe.
Vitin që lamë pas unë vizitova disa familje në varfëri ekstreme në Shkodër, Shqipëri. Duke i ardhur në ndihmë. Shpresoj që këtë vit të bëjmë diçka më të madhe.”- ka shkruajtur Emina përbri videos.