Carlotta Maggiorana është shpallur “Miss Italia” për vitin 2018 dhe në një intervistë ka foluar në lidhje me rrugën e saj të vështirë që e ka çuar drejt titullit.
Pavarësisht gëzimit për këtë triumf, duket se pas gjithë këtij suksesi duket se gjërat nuk po shkojnë mirë për Carlottan, së cilës prestigjozja “Oggi” i ka zbuluar disa foto nudo të cilat nuk janë në përputhje me rregulloren e kompeticionit “Miss Italia”, sepse në kontratë thuhet se pjesëmarrëset nuk duhet të kenë pozuar ndonjëherë nudo me dëshirën apo konsensusin e tyre.
Fotot kanë të bëjnë me një prapaskenë të disa xhirimeve në vitin 2015, ku missi është mbuluar vetëm me flokët e saj dhe disa gjethe palme. Carlotta Maggiorana kishte fituar titullin e Miss Grand Prix 2009 dhe kishte pozuar për kalendarin me foto seksi të konkursit.