“Safet Rustemi, emri i të cilit u shfaq verën e kaluar në listën e njerëzve më të kërkuar është arrestuar në Tiranë, kryeqytetin shqiptar”. Kështu nis një shkrim i portalit belg lecho.be për Safet Bajri (Rustemi) të cilin e konsideron si një nga kriminelët më të rrezikshëm në Evropë.
“Lajmi për arrestimin e Bajrit u konfirmua edhe nga zyra e ministrit të Drejtësisë, Koen Geens si dhe burime të tjera të institucioneve ligjzbatuese. Rustemi duhet të ishte në Belgjikë për të vuajtur 22 vite burg, por Zyra e Emigracionit vendosi ta dëbojë nga vendi.
Safet Rustemi është konsideruar nga autoritetet si një nga kriminelët më të rrezikshëm të Europës. Familja e tij ka kryer disa vrasje në Shqipëri. Në Belgjikë, Rustemi tentoi të merrte kontrollin e prostitucionit në rrugët e Brukselit duke përdorur mjete të dhunshme.
Një vit më parë ai u dënua fillimisht me 9 vite burg. Këtë vit u dënua edhe 2 herë të tjera me nga 8 dhe 5 vite burg. Në qershor 2017 ai u dëbua nga vendi pasi u lirua me kusht. Ai qëndronte ilegalisht në Belgjikë.
Lajmi për largimin e tij u bë publik verën që shkoi dhe provokoi debate të forta politike.
“Ky (arrestimi) ishte një bashkëpunim i suksesshëm i Drejtësisë Federale që ka ndërmarrë procedimin penal si dhe e gripit FAST në bashkëpunim me zyrën e ndërlidhjes me Shqipërinë që e drejtoi këtë hetim. Ministri Geens është i kënaqur për këtë aksion të suksesshëm të policisë” – thuhet në shkrimin e medias belge. Edhe media të tjera i kanë bërë jehonë lajmit. ©LAPSI.al
E bete terkuze , ai aty ka vite qe rrinte i qete dhe njeri se luante . Apo duhet me bere me sikur qe te na shohin ?