Në lagjen Fushë-Mbret të Elbasanit rreth një orë më parë janë dëgjuar të shtëna me armë zjarri.
Sipas dëshmitarëve, është qëlluar nga një makinë tip ‘Audi’ drejt një të riu në vendin e quajtur “Te shinat”.
Nga ngjarja mësohet se nuk ka të lënduar. Por nga hetimi paraprak i policisë rezulton se një person ka qëlluar në ajër me armë zjarri tip pistoletë.
Autori dhe makina e përdorur prej tij janë identifikuar. Raportohet se policia është vënë në ndjekje të autorit të dyshuar të kësaj ngjarjeje.