Nëse Lionel Messi ka mbetur i zhgënjyer pas barazimit 2-2 të Barcelona me Girona, sulmuesi argjentinas mund të ngushëllojë veten me një tjetër detaj që e dallon nga të tjerët, për ta vendosur në arkivin e tij. Në takimin e djeshëm kapiteni i Barcelonës është bërë lojtari i huaj me më shumë paraqitje në La Liga.
Me 423 paraqitjet e deritanishme në ligën spanjolle, “Pleshti” tejkalon ish-partnerin e tij të Paris Saint-Germain, Daniel Alves, i cili numëronte 422 ndeshje në La Liga të ndara mes Sevilla dhe Barça.
Por Messi mund të ishte lojtari i dytë në këtë renditje. Në të vërtetë, braziliani Donato, lojtar historik i Deportivo La Coruna, ka luajtur 466 ndeshje në La Liga. Megjithatë, ai nuk konsiderohet lojtar i huaj, pasi ka fituar kombësinë spanjolle dhe ka mbrojtur ngjyrat e La Roja.