Liverpool po marshon në Premier Ligë në këtë fillim sezoni. Finalisti i Ligës së Kampionëve të fundit, Reds e janë përforcuar këtë verë dhe kanë nisur një fillim të përsosur të kampionatit, pasi nuk kanë humbur një pikë të vetme pas gjashtë javësh. Jürgen Klopp është krenar për punën e tij me Liverpulin dhe shpreson të fitojë titullin e parë të klubit që nga viti 2012.
“Ne jemi duke u rritur hap pas hapi, klubi, skuadra, gjithçka, le të shpresojmë se do të vazhdojmë kështu. Unë nuk jam gjeni, e dija peshën e klubit dhe të stadiumit, sepse e gjithë bota e njeh. Siguris është ndryshe tani, por skuadra ka ndryshuar dhe ne po fitojmë hap pas hapi. E kam thënë edhe tre vjet më parë, se do të kishim një atmosferë më të mirë në stadium dhe do të fitonim më shumë ndeshje në shtëpi, kështu që nuk është diçka e papritur. Njerëzit duhet ta prisnin këtë”, tha Jürgen Klopp.
Trajneri i Liverpool dëshiron të fitojë tituj: “Ne duam të fitojmë trofe, por nuk e dimë kur do të ndodhë. Nuk kemi as idenë më të vogël se kur do të ndodhë, ndaj duhet të bëjmë më të mirën në këtë moment të jetës sonë deri sa kjo të bëhet realitet. Në aspektin e performancës, rezultateve, atmosferës jemi në momentin më të mirë”.
Tekniku gjerman nuk i beson Bluve, kundërshtarit të radhës në Premier Leagu, për titullin: “Aktualisht Chelsea vjen në një dinamikë shumë të mirë. Nuk e kuptoj përse njerëzit lakojnë vetëm Manchester City dhe Liverpool për titullin dhe harrojnë Chelsea që i ka fituar ndeshjet në një mënyrë befasuese”