Federata Franceze e Futbollit ka konfirmuar në apel skualifikimin e sulmuesit të Paris Saint Germain, Kylian Mbappè, për tre ndeshje. Pas kartonit të kuq të marrë nga 19 vjecari në ndeshjen kundër Nimes në 1 shtatorin e kaluar, kryeqytetasit e kishin apeluar dënimin, por vendimi i Apelit e detyron tashmë Mbappe të vazhdojë të kryejë dënimin.
Lajmin e ka bërë të ditur Federata franceze (FFF), që saktëson se Mbappè tashmë duhet të qendrojë jashtë fushave të lojës edhe për një tjetër ndeshje përpara se të kthehet të luajë.