Dy vjet më parë autoritetet zvicerane i mohuan Roman Abramovich kërkesën për tu bërë rezident në Verbier, fshat alpin i Kantonit Vallese. Pas një beteje të gjatë legale, që zgjati 7 muaj, gazeta locale Tamedia ka publikuar motivet e refuzimit. Në media citohet raporti i dalë nga policia zvicerane për llogari të pronarit të Chelsea, një relacion në të cilin Abramovich përcaktohej “një kërcënim për sigurinë publike e një rrezik për reputacionin e Zvicrës”.
Sipas Tamedia, Abramovich është i dyshuar nga autoritetet e sigurisë zvicerane për “riciklim të parave të pista e se ka marrëdhenie të ngushtë me organizatat kriminale”, nga ku vjen edhe një pjesë e madhe e pasurisë së tij, me vlerë 11,8 miliardë dollarë. Akuzat në fakt nuk janë pjesë e vendimit të gjykatës, por vetëm informacione të policisë. Por kanë mjaftuar që pronarit të Chelsea, një prej njerëzve më të pasur të botës, ti mohohet rezidenca në Zvicër.
Avokati i Abramovich, Daniel Glasl, ka replikuar menjëherë ndaj akuzave: “Cdo ndërtim faktesh sipas të cilave Abramovich është përfshirë në riciklim parash ose ka kontakte me organizata kriminale është krejtësisht false – janë frazat e thëna prej tij sipas The Guardian -. Abramovich nuk është akuzuar kurrë për këtë gjë dhe nuk ka precedentë penalë. Nuk ka patur kurrë, ose është akuzuar për lidhje me organizata kriminale”.