“Nderimi më i lartë për një politikan, që në vendin tij i shqelmon me këmbë të drejtat e njeriut”. Kështu shkruan gazeta më e madhe gjermane, Bild, duke iu referuar vizitës së presidentit turk, Recep Tayyip Erdogan në Gjermani.
62-vjeçari do pritet me nderime të larta nga presidenti i vendit dhe kancelarja Merkel.
“Por që ditën e mbërritjes në Gjermani, Erdogan shkakton skandalin e parë. Katër gishtat e hapur dhe gishti i madh drejt pëllëmbës, kjo ishte përshëndetja e helmuar e presidentit turk.
Sapo ai dhe e shoqja, Emine, kishin zbritur nga avioni Airbus A340 dhe kishin hipur në limuzinën e zezë shtetërore, një Mercedes Maybach S klas, Erdogan nxori dorën e djathtë për të bërë përshëndetjen e Vëllezërve Myslimanë. Një provokim- kundër vlerave perëndimore dhe demokracisë,” shkruan Bild.