Cristiano Ronaldo i ka kërkuar falje Kathryn Mayorga pak caste pas përdhunimit, tregojnë dokumentet gjyqësore. 34 vjecarja pretendon se është sulmuar nga ylli i futbollit në një hotel në Las Vegas në 2009. Por Ronaldo e ka refuzuar këtë gjë.
Por letrat gjyqësore janë eksplozive në këtë cështje, sipas The Sun dhe mund ti krijojnë probleme ish-sulmuesit të Manchester United.
Amerikania, Kathryn Mayorga, akuzon portugezin për përdhunim, ndërkohë që 33 vjecari, e ka quajtur “lajm fals” dhe është shprehur se marrdhënia intime me të ka qenë konsensuale.
Raportohet se më parë Ronaldo i ka paguar Mayorga £287,000 për të ndaluar procedimin penal, që mund ta shihte atë në burg përjetë. Por avokatët e saj po përpiqen tani ti rikthehen cështjes dhe ajo ka folur për këtë histori për herë të parë.
Sipas dokumentave të gjyqit përdhunimi ka ndodhur në orët e para të 13 qershorit 2009. Në atë kohë portugezi ishte 24 vjec dhe ishte me pushime bashkë me kunatin dhe kushëririn e tij.
Modelja Mayorga, në atë kohë 25, punonte në Rain nightclub, brenda Palms Casino Resort dhe është takuar me yllin e futbollit në zonën VIP.
Dokumentet thonë se ajo ka refuzuar mardhënien seksuale dhe është munduar të mbrohet duke thënë: “Jo, jo, jo”.
Aty shkruhet: “Kur Cristiano Ronaldo përfundoi sulmin seksual, e lejoi vajzën të dalë nga dhoma e gjumit duke i thënë se i vinte keq, zakonisht ishte një xhentilman.”