Juristja e Shihemi në gjyq Eni Çobani është shoqëruar në polici. Report Tv njofton se ajo ka qënë në një seancë gjyqësore në Gjykatën e Gjirokastrës kur e kanë shoqëruar. Çobani u akuzua nga nusja e klientes së saj për kërcënim, ndërsa lajmëroi forcat e rendit. Mësohet se Eni Çobani po merret në pyetje në këto momente nga policia e Gjirokastrës.
Kujtojmë se Çobani është avokatja e shtetases Merushe Makri, e cila në vitin 2016-të u përfshi në një konflikt me ish-nusen e djalit të saj, Rudina Islamaj. Sherri mes tyre u bë publik edhe në rubrikën “Shihemi në gjyq” që drejton Çobani, ku vjehrra akuzoi nusen se e kishte rrahur dhe nxjerrë nga banesa.