• |
ide | kryesore

Protesta në Elbasan, Policia e Shtetit përgënjeshtron fëmijën: Nuk të kemi dhunuar!

Lajme, Të fundit



Deputetit i Partisë Demokratike, Luçiano Boçi dhe disa banorë të fshatit Mengël të Elbasanit janë proceduar penalisht nga policia lokale për disa vepra. Ndërkohë përmes një deklarate policia thotë se nuk ka ushtruar dhunë ndaj fëmijës, i cili dëshmoi në media se ishte keqtrajtuar. Më poshtë deklarata e Policisë.

Në përfundim të veprimeve të para hetimore nga Policia e Elbasanit u referuan materialet në Prokurorinë pranë Gjykatës së Shkallës Parë Elbasan, për veprat penale “Shtyrja e të miturve në krim”, (neni 129) “Organizim dhe pjesëmarrje në grumbullimin e manifestim të paligjshëm”, “Kundërshtim i punonjësve të policisë”, dhe “Pengimi i qarkullimit të mjeteve të transportit” për deputetin Luçiano Boçi dhe ndaj disa shtetasve të tjerë, të moshës nga 25 deri në 60 vjeç.

Policia e Shtetit ri-thekson edhe njëherë se nuk ka ushtruar asnjë lloj dhune, ndaj asnjë fëmije. Është pyetur në prani të të afërmve dhe psikologes, i mituri që u shfaq në disa media si i keqtrajtuar. Është kryer një akt ekspertimi për fëmijën, si dhe janë marrë në shqyrtim pamjet filmike në dispozicion. Nga të gjitha veprimet proceduriale të kryera, nuk rezulton që fëmija të jetë keqtrajtuar nga Policia apo të ketë ndonjë dëmtim.

Policia e Elbasanit edhe njëherë shpreh keqardhjen për akuzat e ngritura si dhe përpjekjen e bërë nga deputeti i Partisë Demokratike, për të përbaltur punën e Policisë me qëllim pengimin në përmbushjen e misionit të saj, atë të shërbimit ndaj qytetarëve, të cilët për disa orë u penguan të qarkullonin në të dy kahet e aksit kombëtar Elbasan – Librazhd.



3 Comments

  1. Po fëmijët që qanin në masë? Apo janë aktorë edhe ata, qenkan gënjeshtarë, i paskan ngjarë KryeM…. ! Të shkretët e vegjël, i traumatizojnë, ju çojnë forcat speciale sepse kërkojnë shkollë! Futeni more në birucë atë KryeM.. !Do bëjë dhe paketë anti shpifje ai, shpifuria e gjallë! A nuk e paketojmë dhe e sistemojmë atje në sharrë?

  2. Keta nuk duan femijet qe duan shkolle-keta duan femije si -partizani Velo-te ruajne delet dhe te dalin partizane per te mbrojtur idealet e kesaj partie.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *