Ervis Martinaj, njëri prej të plagosurve të konfliktit me armë në zonën e ish-Bllokut ditën e enjte, ka dhënë dëshminë për hetuesit në lidhje me ngjarjen. Edhe pse i plagosur në qafë me armë zjarri, Martinaj ka folur më shumë se një orë për hetuesit, duke dhënë versionin e tij për ngjarjen.
Ai ka mohuar që të ketë qenë shënjestër e ndonjë atentati ndaj tij, duke thënë se nuk ka pasur lidhje apo rol në konfliktin e ndodhur. Sipas burimeve, Martinaj ka thënë se gjithçka ka ndodhur mes viktimës, Fabian Gaxhës dhe komandos Meviol Bilo dhe se ai është plagosur aksidentalisht nga konflikti i armatosur mes këtyre të dyve.
Po kështu, Martinaj ka folur edhe për marrëdhëniet me Ervin Matën, të fejuarin e Elvana Gjatës, i cili është në kërkim nga Policia. Martinaj ka thënë përpara hetuesve se ai nuk ka konflikte me të dhe ka marrëdhënie korrekte. Biznesmeni i lojërave të fatit ka pranuar se në lokal është ftuar prej Matës. “Unë nuk kam gisht në konflikt. Unë jam gjendur aty rastësisht, pasi jam thirrur nga Ervin Mata për një takim. Me këtë të fundit kam marrëdhënie normale, nuk kemi pasur konflikte. Kam qenë i shoqëruar me Gaxhën dhe me Eljon Hatën, por jam plagosur rastësisht, pasi nuk kam qenë pjesë e konfliktit”, mësohet të ketë thënë ndër të tjera për hetuesit Ervis Martinaj, i cili ka precedentë të mëparshëm penalë.
Ai nuk ka dhënë shumë detaje për natyrën e konfliktit, apo për arsyen se përse Fabian Gaxha është konfliktuar me komandon Meviol Bilo dhe mikun e tij, Hoti. Megjithatë, Policia ka shoqëruar mbi 20 persona për t’i pyetur për ngjarjen në fjalë dhe nëse kanë dijeni për konflikte mes dy grupeve. Pritet që ditën e diel, Gjykata e Tiranës të rivlerësojë masat e sigurisë për Ervis Martinajn, Eljon Haton dhe Geldo Hotin. Ndërsa për tre personat e shpallur në kërkim, ka dyshime se ata mund të ndodhen ende brenda territorit të Shqipërisë. Policia ka përforcuar masat në pikat kufitare me Kosovën, Malin e Zi, Greqinë dhe Maqedoninë, shkruan gazeta panorama.
E shef o vis si e hengre qafen e pates se boje si gango neper tiran tani sdi ku je
Keta elemente, me rrezikshmeri te theksuar shoqerore, qe rrine me arme ne brez, dhe e nxjerrin ate per nje llaf goje, vend e pavend, te provuar live si autor vrasjesh, duhet te izolohen me urgjence.
Eshte detyrim i shtetit dhe drejtesise, te pastroj shoqerine, nga keta elemente, te cilet perbejne rrezik dhe kercenim per paqen sociale. Element ordiner qe mbjellin panik dhe terror , kudo ku shfaqen.
Vetem ne Shqiperi, dhe pse te denoncuar me dhjetera here, keto personazhe behen te njohur!!
Ervis martinaj mburret se ka vrare artan santon. Pse nuk e denon Rama per kete?
Vis qendro si burrat saliu dhe Zeni po bejn cmos per ta mbyll ceshtjen bashke me stresin do te dergojne dhe avokatin e familjes parate paguaj vete.duro vis