11 refugjatë kanë gjetur vdekjen në një aksident rrugor në Greqi. Ngjarja ka ndodhur rreth orës 5 të mëngjesit të së shtunës në Kavala.
Kamioni në të cilin ishin fshehur 11 emigrantët është përplasur nga një makinë.
Nga përplasja e fortë, të dy automjetet kanë shpërthyer në flakë.
11 viktimat mbetën të bllokuar në kamion, duke u djegur të gjallë.
Sipas vlerësimeve të para të Departamentit të Trafikut të Kavalës, shoferi i makinës për shkak të shpejtësisë së lartë ka humbur kontrollin e mjetit dhe është përplasur me kamionin.
Për shkak të djegies së trupave, policia nuk mund të identifikojë viktimat, ndaj ka kërkuar një ekzaminim mjeko-ligjor dhe analizat e ADN-së.
Shoferi 39-vjeçar i kamionit në pronësi të një shtetasi grek, me banim në Karyanis Kavalas, mbeti i plagosur lehtë.
Doro dhe pak se do dalesh edhe pak sic kane dale te tjeret dhe do marresh dhe shperblim si i pafajshem.
Ka mundesi ta kete perplasur me qellim pasi ju ka marre leket.