Gjibraltari ka fituar ndeshjen e parë zyrtare në historinë e tij. Një 11 metërsh i Chipolina i ka dhuruar kombëtares fitoren 1-0 në fushën e Armenisë, në Yerevan. Nga 2013, vit kur u përfshi në Fifa, Gjibraltari kishte fituar vetëm në miqësore me Letoninë e Maltën. Kjo e arritur në Ligën e Kombeve, Grupi D4, është fitorja e parë absolutisht ku Gjibraltari grumbullon pikë. Në 22 ndeshjet zyrtare të luajtura përpara këtij suksesi, Gjibraltari kishte marrë 22 humbje dhe kishte pësuar 107 gola.
Një fitore në Armeni, që ngjan si hakmarrje, sepse përara fillimit të ndeshjes ndodhi një episod kurioz. Në stadiumin armen, në momentin e himnev, në vend të atij të Gjibraltarit është luajtur himni i Liechtenstein. Gjibraltari ka si himn God Save the Queen, ose më saktë atë britanik, por në fakt u luajt himni i Liechtenstein, që ka të njëjtën melodi të God Save the Queen por fjalë krejt të ndryshme.
Federata e Gjibraltarit është shqetësuar shumë nga ky fakt, ndërsa ajo armene ka kërkuar falje menjëherë.
National Anthem at tonight’s Nations League International in Armenia:
The Gibraltar FA is very disappointed to note that, prior to tonight’s UEFA Nations League match versus Armenia, the national anthem of Liechtenstein was played…… 1/2
— Gibraltar FA (@GibraltarFA) October 13, 2018
The Armenian FA has apologised to the Head of Delegation representing the Gibraltar FA in Yerevan for this oversight and an announcement has been made at the national stadium apologising for the error…2/2
— Gibraltar FA (@GibraltarFA) October 13, 2018