Një shqiptar mbeti i vdekur gjatë tentativës për t’i ikur policisë në Itali, në aksin rrugor që lidh Rivoltan me Pandinon.
Në makinën tip ‘BMë’ ishin tre shqiptarë. Rreth orës 22:30 makina doli jashtë rrugës duke shkaktuar vdekjen e 31-vjeçarit A.K., ndërsa dy të tjerët mbetën të plagosur rëndë.
Forcat e rendit dhe dy ambulanca shkuan menjëherë në vendin e ngjarjes duke transportuar të plagosurit për në spital.
Trupi i pajetë i shqiptarit u nxorr nga makina rreth orës 1:30 minuta, ndërsa mjeti i shkatërruar plotësisht u largua prej andej me kamion rreth orës 02:00 të mëngjesit të sotëm.