Është vërtetë një moment i artë për Novak Djokovic. Pasi triumfoi në Wimbledon, Cincinnati e Us Open, tenisti serb fiton për të katërtën herë në karrierë “Rolex Shanghai Masters”, duke mundur në finale kroatin Borna Coric (që kishte eleminuar Roger Federer) në dy sete me rezultatin 6-3, 6-4.
Për Djokovic një kënaqësi e dyfishtë: të hënën do të kalojë në renditje Federer në klasifikimin ATP e do të jetë përsëri numri 2 në renditjen botërore.
Për Djokovic, që e ka çuar serinë e fitoreve në 18, është titulli i 32° Masters. Tani serbi synon shkallën më të lartë të podiumit të klasifikimit botëror, që mbahet nga Rafael Nadal, që për momentin e mban larg 215 pikë.
Statistikat nuk të lënë të gabosh, është titulli i 72° në karrierë nga 103 finale të luajtura, i katërti në një sezon që e pa fillimisht të triumfonte në Wimbledon, në ‘1000’ të Cincinnati e në US Open (finalja e vetme e humbur në 2018 është ajo e Queen’s kundër Cilic).