Paulo Dybala, titullar në supersfidën me Brazilin, në ndeshjen e humbur në fund 1-0 nga Argjentina, është zëvendësuar në minutën e 59′ për shkak të një dëmtimi, që ka shqetësuar mbi të gjithë Juventus. Pamjet e treguara kur sulmuesi i bardhezinjve sapo është ulur në pankinë ka vendosur dy qese me akull poshtë dhe sipër gjurit të djathtë kanë bërë që në Torino të mendojnë më të keqen. Shkalla e dëmtimit do të vlerësohet sapo lojtari të rikthehet në Itali nga Arabia Saudite, por ndjesia është se nuk bëhet fjale për një dëmtim të rëndë.
Në Argjentine, nuk kanë harruar të nënvizojnë se Dybala nuk ka arritur kurrë të bëjë diferencën me albiceleste. 16 prezenca (9 si titullar, vetëm 2 në fushë për 90′) për një total prej 752 minuti pa shënuar asnjë gol.
Problemi në gjurin e djathtë me shumë mundësi do ta mbajë Dybala jashtë ndeshjes së të shtunës në Torino mes Juventus e Genoa. Allegri mund të besojë tek Ronaldo e Mandzukic e tek i rikthyeri Douglas Costa.