• |
ide | kryesore

Legalizohet shitja dhe përdorimi i kanabisit në Kanada

Planet



Pas Uruguait, Kanadaja legalizoi shitjen dhe përdorimin e kanabisit. Ligji hyri në fuqi ditën e sotme.

 

Megjithatë ka ende shqetësime, duke përfshirë këtu mundësinë e forcave të policisë për të kapur ata që ngasin makinën nën efektin e kanabisit. Bashkitë kanadeze kanë muaj që përgatiten për t’i dhënë fund ndalimit të kanabisit. Ata janë përgjegjës për të vendosur se ku mund të blihet dhe konsumohet kanabisi.

Legalizimi i kanabisit përmbush premtimin e fushatës së 2015 të kryeministrit kanadez Justin Trudeau, liderit të partisë udhëheqëse, Partisë liberale.

Kryeministri është shprehur se ligji i mëparshëm që ndalon përdorimin e kanabisit nuk ka qenë efektiv, duke marrë parasysh që kanadezët janë ende ndër përdoruesit më të shumtë të kanabisit. Ai tha se ligji i ri është menduar për ta mbajtur drogën larg minorenëve dhe larg përfitimeve të kriminelëve.

Qeveria parashikon gjithashtu se shitja e kanabisit do të sjellë afërsisht 400 milion dollarë çdo vit në buxhetin e shtetit.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *