Neymar e Barcelona është një histori dashurie e përfunduar keq, por palët mund ti japin një shans të dytë njëri-tjetrit. Kërkesat indirekte nuk kanë munguar, fillimisht nga braziliani, por duket se rezultatet e fundit kanë bërë që edhe katalanasit të hapin dyert për rikthimin e Neymar. Në Spanjë janë të sigurtë: braziliani është gati të kthehet në Camp Nou, drejtuesit e Barcelonës kanë nisur të vlerësojnë hipotezën dhe vetë presidenti Bartomeu ka zbritur në fushë personalisht për të mësuar dëshirën e lojtarëve në dhomat e zhveshjes.
Pikërisht kështu, sepse, sipas asaj që bën të ditur Mundo Deportivo, gazeta spanjolle pranë blaugranave, kreu i klubit përpara se të vazhdojë me një kundër-blerje ka dashur të sigurohet se rikthimi i brazilianit nuk do të jetë një problem për yjet e tjerë të skuadrës.
Përgjigja ishte unanime: Neymar është i mirëpritur. Senatorët e skuadrës, Messi mbi të gjithë, do ta presin me krahë hapur, për shkak të raporteve të mira me brazilianin, por edhe kualitetit të tij me topin. Do të jetë e komplikuar ti marrësh lojtarin Psg, që vetëm një vit më parë ka paguar 222 milionë euro, por sipas asaj që raporton Cadena Ser, Neymar ka një akord me presidentin e PSG, Nasser Al-Khelaifi, që i lejon të largohet nga klubi parisien në përfundim të këtij sezoni për të njëjtën shifër me të cilën mbërriti në verën e 2017. Shifër që do të bëhet 200 milionë nëse braziliani largohet në verën e vitit 2020.
Por ndjesia është që Neymar do të kthehet me shpejtësi në Spanjë dhe nuk ka ndërmend të presë një tjetër sezon në Parc de Prince.