Kryeministri i Shqipërisë Rama nga foltorja e kuvendit tha sot se bastet dhe lojërat e fatit do të mbyllen përfundimisht pas 31 dhjetorit të këtij viti.
Shefi i qeverisë shtoi se kjo është një nismë, e cila nuk ka asnjë kthim prapa. Sa u përket basteve online ai u shpreh se ky është një drejtim shumë kompleks.
“Mbylljen e kazinove, basteve sportive, që nga ndeshjet e futbollit e deri tek garat e katërkëmbëshave të faunës botërore dhe basteve online. Me mirëkuptimin që sa i përket On-line, i cili është një drejtim shumë kompleks. Do të arrijmë një konkluzion të studiuar dhe do mund të kemi një diskutim të mëvonshëm. Ka diskutime sa i përket idesë për një monopoli shtetëror, por që sot unë personalisht jam kundër, por jam i hapur për propozime. Nga 1 janari nuk ka asnjë lloj basti, llotoje në zonat e banuara”, – tha Rama.
Gjithashtu kryeministri dha detaje të reja sa i takon pikave se ku do të ngrihen llotot dhe kazinotë . Ai tha se vendet do të përcaktohen nga qeveria dhe hotelet me 5 yje do t’i kenë të pranishme këto lojëra, por theksoi edhe njëherë se nuk do të ketë asnjë pikë në zonat e banuara.
Po a nuk tha ky qe bastet on-line do mbyllen perfundimisht ? Apo si gjithmone , thuaj nje gje e beje nje tjeter.