Një 16-vjeçar u vra ditën e sotme në Fier pasi u qëllua me thikë.
Adoleshenti D.V. ndërroi jetë në Spitalin Rajonal të Fierit, pasi u godit me thikë nga një moshatar i tij në vendin e quajtur “Zogu i Zi”.
Autori i ngjarjes, 17-vjeçari me iniciale F.G. është shpallur në kërkim.
Policia njofton se po punon për zbardhjen e plotë të rrethanave të ngjarjes, ndërsa pika të shumta kontrolli janë ngritur për kapjen e autorit të vrasjes.