Katër ndeshjet pa fitore nuk i kanë humbur besimin Bayern Mynih tek tekniku i tyre Niko Kovac: “Jam pozitiv, na duhet vetëm pak fat” është shprehur tekniku, ndërkohë që pavarësisht besimit që i është dhënë nga shoqëria, burime të ndryshme konfirmojnë se janë kontaktuar trajneri i përjetshëm i bavarezëve Heynckes dhe Antonio Conte.
Megjithat asgjë nuk e shpërqendron Kovac: “Të mos lexozh gazetat të ndihmon të relaksohesh: me shumë mundësi në 7 ndeshjet e para është shkruar mirë, ndërsa tani e bëjnë të zezë, edhe pse nuk është kështu “.
Shumë më të bindur në deklaratat e tyre drejtuesit bavarezë, që kanë dalë në mbrojtje të skuadrës dhe trajnerit, me një kundërsulm tipik, përpara transfertës me Ëolfsburg: “Vlerësojmë punën e Kovac, – tha Salihamidzic – është mungesë respekti ajo që po ndodh. Do ta mbroj gjithnjë skuadrën: të vesh në diskutim punën pak javë nga fillimi është e papranueshme “.
Rummenigge ndërkohë mbron emrat individualë në qendër të kritikave: “Bëri një gabim por Neuer ka qenë katër herë portieri më i mirë në botë, polemikat për Hummels e Boateng janë të kota, ndërsa Ribery-Robben kanë fituar gjithcka këtu. Jemi këtu për të thënë se nuk do ta tolerojmë më këtë situatë dhe do të mbrojmë gjithnjë trajnerin dhe klubin”.