Një polic i burgut të Fushë Krujës është arrestuar nga policia pasi i ka vjedhur një shtetasi kosovar 800 euro. I arrestuari është Sokol Pjetërgjoka. Mësohet se oficeri i policisë kishte dalë në rrugë duke pritur makinë për të shkuar në punë.
Rastësisht i ndalon një automjet ku udhëtonin tre shtetas kosovar, të cilët e morën për ta lënë afër punës, duke qenë se andej kishin rrugën. Por kur ka zbritur nga makina, punonjësi i policisë i ka vjedhur çantën njërit prej kosovareve që ishin në makinë.
Pas denoncimit të shtetasit kosovar, polici është mbajtur nën vëzhgim, ndërsa gjatë kontrollit në kasafortën e burgut u gjet çanta e vjedhur e kosovarit me disa dokumente dhe rreth 800 euro.