Merkato Europiane duket se do të ketë një thriller të ri, ndoshta jo që në janar, por me siguri në qershorin e ardhshëm. Romelo Lukaku nuk është i lumtur tek Manchester United dhe Juventus ka hedhur sytë mbi qendërsulmuesin belg, që do të merrte vendin e Mario Mandzikic në Torino.
Interesimi i bardhezinjve, të cilët do të sfidojnë United në Champions javën tjetër dhe do të kenë mundësinë ta shohin në veprim belgun, e ka joshur shumë Lukakun, që është treguar i hapur ndaj kampionëve të Italisë. Në mes është edhe agjenti i tij, Mino Raiola, një që me bardhezinjtë ka marrëdhënie të shkëlqyera, pa llogaritur që edhe më parë italianët kanë patur kontakte me sulmuesin.
Romelu Lukaku e ka refuzuar njëherë Juventus në verë. Drejtuesit torinezë folën me Raiola, që i referoi situatën sulmuesit në atë kohë të Everton. 23 vjecari pati frikë të niste një aventurë në një kampionat tjetër dhe zgjodhi United, por gjërat kanë ndryshuar.
Ky ndryshim kursi i sulmuesit ka nervozuar Manchester United dhe gjithë ambjentin rreth tyre. Ish-mbrojtësi i Djajve të Kuq, Gary Pallister, i intervistuar nga 888Sport, ka folur mbi Romelu Lukaku: “Të deklarosh se ke ambicje të luash për një klub tjetër kur je i teseruar në një tjetër është mungesë e theksuar respekti, mosmirënjohje e pastër. Ndoshta mund ta mendosh port a thuash hapur është e tmerrshme. Skuadra është nën presion dhe të dëgjosh golashënuesin se do të largohet nuk është situata ideale”.