Ashtu siç u mësua më herët, Ermal Mamaqi do të pushtojë sot ekranin shqiptar, pasi në mbrëmje nuk do të shfaqet vetëm në emisionin e tij, por edhe në atë të Luana Vjollcës.
Autorja e emisionit “Shiko kush Luan” ka ndarë me ndjekësit disa momente nga ai që, do të shfaqet mbrëmjen e kësaj të shtune.
Dhe momenti më humoristik është ai kur Ermali vendos paruken bionde për t’u shndërruar si moderatorja shqiptare.
Në videon e publikuar nga Luana jepet momenti kur ajo rrëzohet në tokë nga Mamaqi, por arsyen do ta zbulojmë vetëm sonte.