Një gol i Marcelos mund të ketë shërbyer për shumë gjëra, përvecse për ti kthyer Real Madrid buzëqeshjen. Braziliani që me teknikun Lopetegui nuk po kalon një periudhë të mirë, i dha fund thatësirës më të madhe në historinë 116 vjecare të Real Madrid, 481 minuta pa shënuar gol, por nuk ka mundur të ndryshojë një statistikë tjetër që peshon mbi Julen Lopetegui.
Pesë ndeshje pa fitore në të gjitha kompeticionet, tre radhazi në La Liga, më keq se kaq nuk mund të bënte ish-trajneri i kombëtares spanjolle. Ndeshja me Levanten konsiderohej pika e kthesës, për më tepër që luhej në Bernabeu.
Blancos nuk fitojnë që nga 22 shtatori dhe golat e minutës së 7′ nga Morales dhe në të 13′ nga Roger e bënë ndeshjen në ngjitje. Reali goditi shtylla e traversa, ngushtoi diferencën me Marcelon, por nuk është aspak mënyra e duhur për të shkuan në El Classico kundër Barcelonë, ku me shumë mundësi në pankinë nuk do të jetë më Lopetegui, por Antonio Conte.