Barazimi kundër Genoa ndërpreu vrapimin e Juventus për të bërë 9 fitore rradhazi në startin e kampionatit në Serie A, pa mundur të thyejë rekordin e Romës, Bayern Mynih e Paris Saint Germain, vetëm se tani parisienët kanë mundësinë ta përmirësojnë edhe më shumë…
1-1 kundër Genoa i ndaloi bardhezinjtë të barazonin rekordin e Fabio Capellos, që në 2005-06 shkoi në 9 suksese radhazi.
Megjithatë, nisjen më të mirë në Itali e ka bërë Roma e Rudi Garcia, që në sezonin 2013-14 vendosi 10 fitore radhazi. Vetëm se është një rekord që duhet ta ndajë në Europë me Bayern Mynih të Pep Guardiola në sezonin 2015/2016 dhe Paris Saint Germain.
Francezët janë futur në këtë klasifikim vetëm një ditë më parë. Fitorja 5-0 kundër Amiens e mban në lojë skuadrën e Tuchel për të përmirësuar rekordin e startit më të mirë të të gjitha kohërave në një kampionat të rëndësishëm Europian. Por për ta bërë këtë Neymar e të tjerët duhet të mundin të dielën në 28 tetor Marseille, për ta cuar serinë e fitoren në 11 në 11 ndeshje.