Janë publikuar së fundmi pamjet kur treni i pasagjerëve del nga shinat e hekurudhës në veri-lindje të Tajvanit, duke lënë 18 persona të vdekur dhe më shumë se 180 të plagosur.
Videoja 12 -sekondëshe e publikuar nga agjencia qendrore e lajmeve të Tajvanit tregon trenin që ecën me shpejtësi të lartë dhe më pas del nga shinat sapo futet në kthesë.
Treni i shpejtësisë së madhe ka qenë duke udhëtuar nga Taipei për në Taitung me 366 pasagjerë kur u përplas në orën 17:00 të së dielës, me orë lokale.