• |
ide | kryesore

AKU bllokon 2.5 ton peshk e karkaleca të ngrirë, nuk plotësojnë kushtet higjieno-sanitare

Lajme, Të fundit



Autoriteti Kombëtar i Ushqimit ka bllokuar 2.5 ton peshk e karkaleca të ngrirë në një subjekt në Tiranë, pasi janë të degraduar nga kushtet e ruajtjes si dhe nuk plotësojnë kushtet higjieno-sanitare. AKU bën me dije se është vendosur gjobë ndaj subjektit.

Njoftimi i plotë i AKU:

Autoritetit Kombëtar i Ushqimit vijon masat e intensifikuara të kontrollit, ndaj subjekteve të ndryshme operator të biznesit ushqimor, specifikisht edhe në magazina frigoriferike.

Kështu gjatë një kontrolli në subjektin “ALB ORCA”, në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjieno-sanitare jo konforme); gjithashtu subjekti nuk dispononte dokumentacionin e duhur për gjurmueshmërinë e produktit.

 Për sa më sipër ndaj subjektit u morën masa administrative me gjobë, 500.000 lekë si dhe bllokim i produktit deri në asgjësim.

Autoritetit Kombëtar i Ushqimit inkurajon:

* operatorët e biznesit ushqimor që të përmbushin kërkesat rregullatore, ndër të cilat është edhe verifikimi i produkteve që prodhojnë, përpunojnë, shpërndajnë apo nxjerrin në treg nëse janë apo jo në përputhje me kërkesat e sigurisë ushqimore dhe nëse i konstatojnë ti heqin menjëherë nga tregu dhe të informojnë menjëherë AKU

* të gjithë qytetarët të denoncojnë çdo rast që konstatojnë apo dyshojnë, pra çdo tentativë abuzimi, pranë Autoritetit Kombëtar të Ushqimit në e-mail [email protected] si dhe pranë portalit të bashkëqeverisjes “Shqipëria që duam”. Siguria Ushqimore është një sfidë e përbashkët.



2 Comments

  1. kan bllokuar qelbesirat e rames peshkun fringo qe tu japin pastaj po ket peshk deleve e derrave si kualitet exeselenc.

  2. kan bllokuar qelbesirat e rames peshkun fringo qe tu japin pastaj po ket peshk deleve e derrave si kualitet exeselenc.kush e kontrollon kte peshk,rishi,doshi,rrahman rraja,prenga e fatmut xhafa apo vet kryeqelbesira edvin bastard rame.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *