Paul Pogba jep sinjalin e qartë se në Manchester nuk dëshiron më të qendrojë e destinacioni është i qartë: Juventus. Kampioni francez nuk ka humbur rastin ta bëjë të qartë, duke sfiduar ambjentin tek United, me një takim me miqtë e vjetër. Kampioni i botës e ka memorizuar mbrëmjen e Old Trafford, duke publikuar një foto ku duket bashkë me Cuadrado, por xhesti i fitores me dy gishtat ka bërë më tepër zhurmë, duke qenë se fitues ishte Juventus dhe jo Manchester.
Madje dëshmitarë kanë bërë të ditur se Pogba ka qendruar gjatë me Chiellini, Bonucci e të tjerët në dhomat e zhveshjes bardhezi. Raporti me Mourinho është në fund e nëse Manchester United nuk e shkarkon shpejt Special One, divorci në janar duket i pashmangshëm.
Në këtë pikë, gjithcka kalon në duart e Juventus, që duhet të vendosë si të veprojë në këtë investim. I shitur për 105 milionë euro në total, Pogba nuk mund të blihet për të njëjtën shifër. Aktualisht vlen 70-80 milionë, por operacioni duhet ndërtuar mirë, ndoshta me një huazim me të drejtë blerje e me bashkëpunimin e vetë lojtarit që duhet të reduktojë ndjeshëm pagesën, që për momentin është 16 milionë euro.