• |
ide | kryesore

FMN: Shqipëria ndër të fundit në Europë për të ardhurat për frymë

Lajme, Të fundit



Dy shtetet shqipfolëse, Shqipëria dhe Kosova renditen të fundit në Europë (pa përfshirë vendet e ish Bashkimit Sovjetik) për të ardhurat për frymë, sipas të dhënave të fundit të Fondit Monetar Ndërkombëtare.

Për vitin 2018, Shqipëria vlerësohet të ketë të ardhura për frymë prej 5261 dollarësh, në vend të 102-të nga 191 shtete, duke u përmirësuar me katër vende në raport me 2017-n, kur ishte në pozicionin e 106. Kosova, me të ardhura prej për frymë prej 4,324 dollarësh, renditet e 112-a.

Në rajon, të ardhurat më të larta i ka Mali i Zi, me  8,644 dollarë për frymë, duke u renditur e 79-a në botë, e ndjekur nga Serbia me  6,815 dollarë (vendi 88); Maqedonia, me 5,953 dollarë (95) dhe Bosnjë Hercegovina me  5,704 dollarë (e 100), shkruan monitor.

Prej vitesh Shqipëria, një vend i bekuar me shumë pasuri natyrore e pozicion të lakmueshëm gjeografik, nuk po arrin që të rrisë të ardhurat me ritme më të shpejta se fqinjët dhe shtetet e zhvilluara të BE-së (i ashtuquajturi procesi i konvergjencës), duke mbetur më e varfra në Europë, se bashku me Kosovën. Sipas të dhënave të Eurostat, që i referohen vitit 2016, të ardhurat e vendit janë sa 29% e mesatares së Bashkimit Europian, nga 30% që ishin në 2014-n.  Shtetet e tjera të rajonit kanë ecur të gjitha përpara. Bosnja, që dikur ishte më poshtë se ne, tashmë ka mbërritur në 32% të mesatares së BE. Nivelin më të lartë të PBB-së për frymë në rajon e ka Mali i zi, sa 45 për qind e mesatares së BE-së. Pas Mali të Zi, renditet Serbia dhe Maqedonia, ku të ardhurat për frymë janë sa 37 për qind e mesatares europiane, shkruan monitor.

Edhe për Konsumin Aktual Individual (ACI), një tregues i mirëqenies materiale të familjeve në Europë, Shqipëria është e fundit, me 37 për qind të mesatares së Bashkimit Europian. Nivelin më të larte të këtij treguesi në rajon e ka Mali i Zi, ku Konsumi Aktual Individual është sa 56 për qind e mesatares se BE-se (dyfish më shume se Shqipëria). Më pas renditet Serbia, ku treguesi ACI është sa 47 për qind e mesatares europiane. Maqedonia dhe Bosnja kane të njëjtin nivel të treguesit të Konsumit aktual Individual më 41 për qind.



4 Comments

  1. Pse mooo, ahmetaj thote qe kemi rritje!!! Megjithese INSTATI i qeverise genjen, prapeseprape, jemi te fundit!!!

  2. Po si te jene trecereku i te ardhurave ne te zeze, nga t’i llogarisi FMN keto shifra? Trecereku i statistikave tona ndodhen neper llogari offshore. Llogarisini edhe ato edhe ju del Shqiperia 100000 usd per fryme.

  3. Keto arritje se prapethi i realizoi qeveria e mjerimit, me qelbesirat e kombit. Ku jane premtimet e mashtruesit, hipokritit se do rriste ekonomine, me hapje vende pune, apo e ka patur fjalen per ti mbyllur, e per te rrjepur popullin me keto taksa te larta, te llogaritura me te ardhurat per fryme, pra,,,, cfare solli kjo rilindje per nga emeri? Vetem mjerim e varferi.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *