• |
ide | kryesore

Tentoi të vriste Lul Berishën, dështon për të tretën herë seanca për Ajetin

Lajme, Të fundit



Ka dështuar sërish seanca gjyqësore për Ahmet Ajetin, organizatorin e një atentati ndaj Lulzim Berishës.

Kjo është hera e tretë që dështon seanca ndaj Ajetit. Ky i fundit akuzohet se në vitin 2005 ka bërë një atentat për vrasjen e Lul Berishës.

Ajeti është dënuar në mungesë me 20 vjet burg për tentativë vrasje dhe u ekstradua nga Lipjani i Kosovës, në Shqipëri 4 muaj më parë. Pas ekstradimit, Ajeti kërkoi rihapjen e çështjes, dhe rishqyrtimin e dosjes në prani të tij.

“Më 30 gusht të 2005 Ahmet Ajeti dhe O. K., të porositur nga E. D., dhe A.C., kanë shkuar nga Tirana në Durrës për të vrarë Lul Berishën. Para se të kryhej atentati në afërsi të lokalit ku ndodhej Berisha, Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën ku dhe është vetëplagosur. Ajeti ishte shpallur në kërkim ndërkombëtar nga Interpol Tirana më 07.03.2016, pasi Gjykata e Shkallës së Parë për Krimet e Rënda, Tiranë, me vendimin nr. 01 datë 16.01.2012, e ka dënuar me 20 vjet burg për veprën penale “Vrasje me paramendim”, dhe “Armëmbajtje pa leje.  

Si rezultat i bashkëpunimit të Interpol Tirana me Policinë e Kosovës, u bë i mundur arrestimi i tij në Kosovë, duke u finalizuar me ekstradimin e tij drejt vendit tonë.

Ajeti nuk është një emër i panjohur për drejtësinë shqiptare, pasi ai ka qenë pjesë e bandës së Endrit Dokles e Adriatik Colit. Pretendohet se është paguar 80 mijë euro në vitin 2005 për të vrarë Lulzim Berishën.



1 Comment

  1. perralla rilindje shkoi te vriste rilindasin kriminel por disa te pa njohur u kapen me te dhe vrasesi u vetplagos,si mehmet shehu ,kadri azbiu,e shofertet e xhafes qe vetvriten me nga tre plumba.kesaj i thon mutin mjalt ta besh qe gr,bert,koli,jkl,e besojn.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *