Tifozëve të Chelsea, që e fërshëllenin dhe e tallnin pas barazimit të minutave të fundit në Stamford Bridge, Mourinho iu përgjigj me gjestin e tij klasik. Special One tregoi me gishta numrin 3, atë të Premier League të fituar nën drejtimin e Blues. Një leitmotiv përsëritur edhe kundër Juventus (aty nënkuptonte tripletën) e në konferencën e shtypit (“3-0? Tre si Premier që kam fituar), por që në përfundim të ndeshjes me ish-skuadrën e tij u bë simbol. Publiku londinez nuk e mori mirë gjestin e portugezit. Ndoshta edhe për këtë, që nga ai moment, faqja zyrtare e Chelsea në Twitter nuk bën gjë tjetër vecse tallet me portugezin.
Blutë e kthejnë reston në të njëjtën mënyrë. Me numrin 3 të përsëritur në të gjithë mënyrat e mundshme. Mirror sqaron se në ditët e fundit janë shpeshtuar postimet me atë që në ishull njihet si “Mourinho gesture”. Ironia është e gjitha për portugezin….e tipit: edhe sa orë duhen për të filluar ndeshja me Burnley. Tre. E fytyra e Jorginho në animim…i thotë të gjitha.
Three hours to go! ⏱#BURCHE pic.twitter.com/rpp2TOvTyc
— Chelsea FC (@ChelseaFC) October 28, 2018
Përfundon ndeshja, që Chelsea e fitoi lehtësisht 0-4 me gol edhe të Ross Barkley, që u bë futbollisti i parë i Bluve, që nga kohët e Lampard, që shënoi në tre ndeshje radhazi. Festimi…natyrisht me gjestin që të kujton dicka…
Ross Barkley is the first Englishman to score in three consecutive @PremierLeague games for the Blues since Frank Lampard, back in 2013! ? #BURCHE pic.twitter.com/5dcJarfh3S
— Chelsea FC (@ChelseaFC) October 28, 2018
Në ndeshjen e Europa League, pikërisht atë që pasoi sfidën kundër Mourinho, kundër Bate, Loftus-Cheek shënoi tre gola. Në këtë pikë as nuk duhet pyetur se cfarë gjesti bëri anglezi për të festuar…
Për ta mbyllur historinë e bën një i padyshueshëm: Mateo Kovacic përshëndet fitoren e tretë radhazi në Europa League. Pa foto kompromentuese, por me një pyetje dinake: “Janë 3 në 3 apo gabohem?”. Kroati nuk gabohet, ashtu si nuk gabohen as tifozët që tani janë të bindur: Chelsea…po tallet me Mourinho.
