Është mirë ajo që përfundon mirë. Një shprehje që në Itali e përdorin shumë e që në këtë rast i shkon shumë për shtat konfliktit të krijuar ditët e fundit mes Fabrizio Corona, Ilary Blasi e Francesco Totti, edhe pse ish-kapiteni i Romës ka qendruar indiferent ndaj debatit.
Corona ka shkruar një letër të hapur për Francesco Totti, pas sherrit të ashpër live me Ilary Blasi gjatë Grande Fratello Vip, në lidhje me akuzat për tradhëti nga ana e ish-kapitenit verdhekuq. “Je një njeri i madh. Të kam vlerësuar gjithnjë e jemi respektuar. Je historia e futbollit italiano e je i vetmi i pastër, i ndershëm e i kapur pas vlerave në këtë botë të korruptuar, ku rëndësi kanë vetëm paratë. Ti bëje punën tënde me pasion, si unë bëja timen, edhe pse moralisht i kritikueshëm, por ishte puna ime dhe e dashuroja. Më vjen keq për atë që ndodhi e më vjen keq për ty e fëmijët e tu. Vlerësimi im për ty mbetet i paprekur dhe me ty më lidh një kujtim, emocionet që na bëre të përjetojmë, mua dhe të dënuarve në qelinë 116, atë ditë gjatë ndeshjes tëndë të fundit, në stadiumin tënd, me fanellën tënde, ndërsa i jepje lamtumirën futbollit. Ndërim për ty kapiten, vazhdoj të të vlerësoj e respektoj ty e fëmijët e tu”, ka shkruar Corona në Instagram.
Ma non tua moglie!! Hajde vleresim hajde!