Kundër Cagliari nuk shënoi, goditi vetëm shtyllën, dhuroi asist për golin e 3-1 të Cuadrado e tentoi edhe një akrobaci si ajo që i bëri tifozët e Juventus ta dashuronin edhe si kundërshtar. Megjithatë në Stadium kishte motiv që Cristiano Ronaldo të festonte. Përpara ndeshjes, presidenti Andrea Agnelli i dhuroi një fanellë speciale për më shumë se 400 golat (për momentin 402) shënuar nga portugezi në kampionatet ku ka luajtur. Pas ndeshjes, CR7 ka falenderuar në rrjetet sociale: “Vlerësim, afeksion, fitore! Grande Juve!”.