Vetëm pak ditë më parë Paul Pogba kishte deklaruar dashurinë për Juventus e nostalgjinë e tij për Torinn, duke i bërë të ëndërronin tifozët bardhezinj për një rikthim të mundshëm, ndoshta që në janar, por tani, pak ditë nga sfida në Stadium në Champions League, mesfushori francez i Manchester United largon zërat e merkatos dhe ato mbi kontradiktat me Mourinho. Në javën në të cilën “do të kthehet në shtëpi” me Red Devils, kampioni i botës ka postuar në faqen e tij të Instagram një foto të modelit të ri të flokëve, me një zemër të vogël të vizatuar pranë veshit e frazën “Thyema zemrën e unë do të të dua akoma”, me riferimin e qartë me tag-un e bërë profilit zyrtar të klubit anglez.