Përfaqësuesit e delegacionit të Bashkimit Europian në Shqipëri përshëndetën aksionet e fundit të Policisë së Shtetit, të cilat përfunduan me arrestimin e disa të fortëve.
Policia: Operacioni ‘Ndëshkimi i të fortëve’, 54 të arrestuar brenda një jave
“Gjatë muajit të fundit, janë marrë disa aksione të policisë, ndërsa Bashkimi Europian i mirëpret këto aksione. Këto janë rezultate që ka pritur BE dhe kjo duhet ruajtur. Ministria e Brendshme duhet të jetë aktive në goditjen e grupeve kriminale. BE do mbledh informacion nga agjencitë, bizneset, faktet do të mblidhen dhe kontrollohen dhe pastaj verifikohen”, u shprehën zyrtarët e delegacionit të BE-së.
Delegacioni i Bashkimit Europian vijon konsultimet me shoqërinë civile në Shqipëri me qëllim hartimin e raportit të Këshillit Europian. Ky delegacion do të mbledhë fakte dhe të dhëna në fushat të ndryshme për të parë se sa janë përmbushur detyrat integruese nga ana e Shqipërisë.