Gjatë fjalës në Kuvend këtë të martë, Edi Rama foli për një arsye jo bindëse që Ilir Meta i ka dhënë gjatë takimit kokë më kokë në presidencë të dielën për mosdekretimin e Sandër Lleshit. Në formë i qetë dhe me ton ironik, kryeministri ka refuzuar ta quajë bindës argumentin e kreut të shtetit duke shtuar: “më mirë besoj se më kanë bërë mua veshët sesa të përballoj faktin se vendi ynë ka një president qesharak”. Rama nuk e nxorri në publik se cili qenkësh ky argument që e bënte të vinte buzën në gaz, por ai foli edhe për një tratativë tjetër, sikur emisarë të Metës kanë kërkuar të flasin para Kuvendit me dyer të mbyllura, për të sqaruar motivet reale të refuzimit. “Meta është i mirëpritur të vijë e të na sqarojë”, tha kryeministri duke nënvizuar “mëshirën për mirëkuptim” të shumicës parlamentare, e cila nuk duhet konsideruar si frikë.
Lexo më tej:
Andi Bushati: Dashnorët e rremë të Kushtetutës
Po cila është kjo arsye që as Rama dhe as Meta nuk e thonë? Sipas një burimi të Lapsi.al, që po merret me negociatat mes presidencës dhe kryeministrisë, ai konsiston në faktin se megjithëse është pushuar nga puna nga ministri Imami dhe presidenti Nishani, Sandër Lleshi, mbetet ende gjeneral, pasi ai ka fituar gjyqin se shkarkimi i tij ishte i padrejtë. Por ligji e detyron presidentin të shikojë para dekretimin nëse kandidati i propozuar është i përshtatshëm për këtë rol. Dhe një gjeneral nuk është. E këtu çështja hyn në një rreth vicioz. Sandër Lleshi mund ta braktisë gradën e gjeneralit, por në këtë rast duhet të jetë presidenti Meta që duhet të firmosë dekretin.
Dhe Meta që nuk ka firmosur lirimin e tij, nuk mund të firmosë për rrjedhojë as dekrtetimin e tij si ministër.
A është kjo ajo që i ka thënë presidenti Ramës në sy dhe që ai e quan qesharake? Për këtë nuk ka konfirmim. Por sot në kuvend, Rama këmbënguli se Sandër Lleshi ka çertifikatë sigurie edhe nga NATO, prandaj ai është “njeriu i duhur në kohën e duhur i shumicës së duhur për sot dhe për nesër”.
©Lapsi.al
A quhet arsye qesharake orientimi seksual ?
edhe saje qorri e fatmut xhaf hetuesi i stalinit kishin qertifikat te natos por kishin edhe qertifikat te ESKOBARIT,dhe e pam qfare u be.ter kriminelet deputet e kryetar bashkie.
I dhate ndihmen me paragrafin e fundit ju te lapsit metes, tani keshilltaret e metes kan ca te thone para kamerave. E verteta eshte se metes si rruhet hic per lleshin e nese eshte apo jo akoma gjeneral, meta e ka menen vetem tek pazari, ca llokme mund te kapi nga rama po deshi qe t´ia votoje si minister. Meta sdi gje tjeter vetem llokmen. Keta gazetaret jan pa lidhje fare pastaj, ka inat ramen e fillojne i nxjerrin justifikime metes, asnjeri se permend llokmen qe meta.
Meta ka friken e burgut! Pazare si gjithmone! Nuk ndryshon si Berisha! Deri kur Shqiperia do te kete presidente kriminele?
ca eshte ky lesh presidenti qe ben tentativa per takime sekrete