• |
ide | kryesore

Tredhur dhe torturuar: ndërtohet skena e vrasjes, me sfond seksual, e futbollistit. Ka fakte që nuk përputhen…

Sport



Ka emër dhe mbiemër tani njeriu që vrau, trodhi dhe torturoi Daniel Freitas, mesfushorin 24 vjecar të Sao Bentos, i gjetur kufomë në një pyll të Sao Josè dos Pinhais, në shtetin Brazilian të Paranà. Vrarësi quhet Edison Brittes Junior, është një sipërmarrës i pasur vendas 38 vjecar. Ai e ka rrëfyer vrasjen e konsideruar krim passion dhe është i burgosur së bashku me gruan Cristiana, 35 vjec, e të bijën Allana, 18 vjec.Kjo burgosje e trefishë fsheh një seri detajesh mes makabres dhe mospërputhjes që dolën në dritë në orët e fundit.

Daniel, që në muajt e fundit nuk ka luajtur për shkak të një dëmtimi kronik në gju, mbërriti në Curitiba në 21,30 të së premtes 26 tetor. La valixhen në shtëpinë e një miku, një dush të shpejtë përpara festës në mbrëmje. Rreth mesnatës Daniel e miku i tij shkuan në një diskotekë për festën e 18 vjetorit të Allana. Kishin ftesën nga i ati i vajzës, që Daniel e njihte prej kohësh. Në 5,40 të mëngjesit, miku i Daniel u kthye në shtëpi ndërsa futbollisti shkoi në shtëpinë e familjes Brittes. Sipas dëshmitares, në mbrojtje nga policia, festa vazhdoi aty me muzikë e alkool.

Në 8,07 Daniel nisi të dërgonte mesazhe mikut të tij. “Jam në Curitiba në shtëpinë e një vazje e ka shumë femra që po flenë nëpër shtëpi”. Miku e pyet nëse ishte i dehur e Daniel i thotë: “Jo, jo shumë”. Në 8,34 Daniel i dërgoi një foto mikut ku ishte shtrirë në shtrat pranë Cristiana, duke i treguar se kishte pasur raport seksual me të. Në 8,35 një tjetër mesazh i Daniel: “Do shohësh nesër cdo të ndodhë”. Pastaj qetësi totale. Dy orë më vonë trupi i tij u gjet në një pyll, jo larg nga shtëpia, me kokë të prerë, organe gjenitale të shkatërruara dhe me shenja të dukshme torture. Miku që e shoqëronte njohu kufomën mëngjesin e të dielës 28 tetor.

Sipas ndërtimit të fakteve nga policia kjo është dinamika e aksionit. Edison Mattos Junior ka gjetur në flagrancë Daniel me të shoqen (sipas informacioneve, futbollisti ka patur mardhënie me të bijën) e i vërbuar nga tërbimi ka kryer vrasjen. Në rrëfimin e bërë ka disa kundërshti. Në foton e dërguar nga Daniel, Cristiana duket me të njëjtat veshje si në festë, ndërsa Edison tregoi se I kishte veshur pizhamat dhe e kishte vënë në shtrat. I zoti i shtëpisë tha se e hapi derën me forcë, ndërsa në videon e prezantuar nga mbrojtja, Allana thotë se hapi derën dhe e gjeti Daniel me të ëmën. Arma e krimit është një thikë që sipas rrëfimit ishte në makinën e Edison, ndërsa një dëshmitar thotë se e ka dëgjuar futbollistin të thërrasë se Edison kishte thikën në dorë brenda në shtëpi. E në fund, Allana ka thënë se e njeh shumë pak Daniel, ndërsa pjesa tjetër e familjes thotë se e njeh prej një viti, që kur luante me Curitiba. Ja përse edhe pse është gjetur një fajtor ka shumë gjëra për tu sqaruar.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *