Pas seancës jashtë radhe sot në Kuvend për votimin e shkarkimit të ministrit të Brendshëm, Fatmir Xhafaj, kryeministri Edi Rama ka mbledhur qeverinë, ku dhe është bërë zyrtar emërimi i Gjeneral Sandër Lleshit si zv.ministër i Brendshëm.
Kryeministri ka reaguar në Instagram duke postuar edhe një foto me Lleshin.
“Me drejtuesin e ri të Punëve të Brendshme, gjeneral Sandër Lleshin, pas mbledhjes së qeverisë që vendosi emërimin e tij zv.Ministër i Brendshëm??” – shkruan Rama në Instagram.
Sandër Lleshi u emërua zv.ministër i Brendshëm, pasi Presidenti Ilir Meta nuk e dekretoi për ministër të Brendshëm, sikurse u kërkua nga kryeministri Rama.