Adriana Lima sfiloi dje për herë të fundit në pasarelë për Victoria Secret. Ajo ishte mjaft e emocionuar dhe nuk i ka kursyer as lotët, duke ulur krahët e duke u larguar nga sfilata e cila e bëri të njohur në të gjithë botën.
Kanë qenë organizatorët e sfilatës të cilët kanë surprizuar modelen ku i kanë treguar një video me momentet e çdo viti të sfilatave të Adriana Lima-s. Videoja është mbyllur me një faleminderit e më pas në skenë është shfaqur ylli i pasarelës e cila me lot në sy ka bërë sfilatën e fundit dhe të gjithë janë ngritur në këmbë duke duartrokitur.