Pas një loje gati dyjavore, burime të lapsi.al thanë se presidenti Ilir Meta e ka vënë firmën mbi dekretin që emëron Sandër Lleshin ministër të Brendshëm, por njoftimin zyrtar do ta japë në limitet e fundit kohore. Nuk është çudi që lajmi, i cili ka dominuar politikën në këto dy javë, të bëhet publikë nga vetë Presidenti, sot gjatë emisionit “Zonë e Lirë” në Tv Klan, ku ai do jetë përballë gazetarit Arian Çani.
Presidenti mesa duket ka krijuar bindjen e nevojshme, e cila i mungoi herën e parë, që këtë radhë ta bëjë ministrinë e Brendshme me “dhëndërr”. Shenjat e para të një kompromisi të mundshëm mes kryeministrit Rama dhe presidentit Meta, u dhanë që pas një takimi të tyre në presidencë rreth një javë më parë dhe nga vetëpërmbajtja që treguan socialistët në menaxhimin e kësaj krize, sipas porosisë së kryetarit të tyre. Vetë Rama, si gjatë fjalimit në Kuvend ashtu edhe ën daljet e tij publike, i zhgënjeu “skifterët” e tij mediatikë, që ndërkohë kishin nisur goditjet ndaj Ilir Metës, duke ruajtuar gjakftohëtsinë dhe duke lënë të kuptohej se e kishte gjetur gjuhën me Presidentin, të cilit ia ridërgoi propozimin e Lleshit për ministër.
Presidenti Meta zhvilloi ditët e fundit një seri diskutimesh mbi çështjen e satusit të Lleshit si ushtarak, për të gjetur kështu argumentat justifikues për dekretimin e Lleshit dhe sot bëri aktin formal të nxjerrjes së tij në lirim si Gjeneral- Brigade. Sigurisht, që arsyet e vërteta se si kryeministri i krijoi bindjen e plotë presidentit nuk janë bërë publike, por me gjasë nuk do të jetë e vështirë të merren vesh.
Dy vëllezërit armiq të së majtës, kanë në historinë e tyre politike shumë raste të ngjashme konfliktesh, por gjithnjë në fund ka triumfuar qetësia dhe dashuria. Veçanërisht kur kanë diçka për të ndarë, ajo mbetet më e madhe se çdo gjë që i ndan. /lapsi.al/
nuk paska me bq se meta
Normal. Mosdekretimi i heres pare ishte nje “lajthitje” juridike. Kesaj rradhe u be dhe me e imponuar
Meta nuk duhet ta dekretoje Lleshin per faktin qe Lleshi shkeli Kushtetuten qe pranoi detyren e Zv. Ministrit duke qene akoma ushtarak.
Mendoj se mjafton Dekreti per lirimin e tij nga detyra e ushtarakut dhe tja kthje mbrapsht Edi Rames propozimin e ti thote qe te dy keni shkelur Kushtetuten. Dhe pastaj radhen e ka Prokuroria. Eshte moment shume i dobet per Ramen. Rrezohet shpejt nese ka pak seriozitet nga Meta dhe Peokuroria
Kam frike se ka hile ne kete mes. Te shikojme cdo ndodhe pas dekretimit dhe votimit ne parlament