Kampioni i boksit, Anthony Joshua, ka unifikuar titujt e peshave të rënda në 22 luftime dhe tani synon të bëhet kampioni i padiskutueshëm në vitin e ardhshëm. Wilder dhe Fury do të përballen mes tyre në një duel epik për titullin kampion bote në versionin WBC, në Los Angeles në 1 dhjetor.
Fituesi i kësaj ndeshje të madhe është sfiduar të luftojë me Joshua menjëherë, me stadiumin Wembley që është programuar për në prill 2019. AJ zotëron brezat e IBF, WBA dhe WBO, por bën të qartë se është i uritur të ketë në koleksionin e tij edhe brezin WBC të Wilder.
Unified the heavyweight division twice in 22 fights. Watch me become Undisputed Heavyweight Champion in 2019! Stay Hungry ? pic.twitter.com/JTC99IfprO
— Anthony Joshua (@anthonyfjoshua) November 21, 2018
Postimi i Joshua në Tweeter nuk lë dyshime: “I kam unifikuar titujt dy herë në 22 ndeshje. Më shihni teksa bëhem Kampion i Padiskutueshëm i Peshave të rënda në 2019! Qendro i uritur.”
29-vjecari britanik, është duke kaluar një periudhë relaksi në Xhamaika, por fotot në Instagram tregojnë se Joshua i është kthyer stërvitjes, me dëshirën për ta organizuar ndeshjen e tij të ardhshme sa më shpejt.