“Përse nuk i’a japin direkt Kupës River?”. Nuk ka asgjë që ta ndalojë Carlos Tevez pas ferrit të përjetuar në Monumental. “Apache” sulmon Conmebol: “Është sjellë shumë keq me ne, është një turp ai që ndodhi. Jemi mësuar, bëjnë gjithnjë atë që duan. Nëse do ndodhte e kundërta do ia kishin dorëzuar Kupën River. I njëjti mjek i Conmebol që në 2015 tha se lojtarët e River nuk mund të luanin, tani tha se ne mundeshim…”.
“Nëse e gjitha kjo do ndodhte në stadiumin tonë do të kishim humbur tashmë. E njëjta gjë do të ndodhte edhe nëse do iknim nga stadiumi me vullnetin tonë”, është mendimi i hidhur i Tevez. Sulmuesi i Boca kujtoi ngjarjet e majit 2015, në rastin e kthimit të cerekfinaleve të Libertadores në ‘Bombonera’, kur pas rikthimit në fushë nga dhomat e zhveshjes lojtarët e River u sulmuan me spray lotsjellës. Millionarios fituan ndeshjen në tavolinë 3-0. “Conmebol e teproi, Pablo Perez ishte në spital e lojtarët e tjerë villnin: e megjithatë donin që të luanim”.