Fati i keq godet përsëri brazilianin e Barcelonës, Rafinha. Mesfushori ka pësuar këputje të ligamentit anterior të gjurit të majtë në fund të ndeshjes së kampionatit mes Atletico Madrid e Barcellona. Klubi blaugrana ka lajmëruar që në ditët e ardhshme lojtari do ti nënshtrohet një ndërhyrje kirurgjikale, por sezoni i tij është i mbyllur.
Në Ëanda Metropolitano Rafinha e nisi ndeshjen nga pankina, duke zëvendësuar në fillim të pjesës së dytë Sergi Roberto. Për cudi, braziliani e ka përfunduar rregullisht ndeshjen, duke bllokuar në fund madje edhe një kundërsulm të skuadrës së Simeones, me një kontrast të fortë me Lucas Hernandez. Ndoshta ka qenë ai momenti i dëmtimit të mesfushorit, që nuk është se dëmtohet rëndë për herë të parë në karrierë.
❗ PARTE MÉDICO. Rafinha tiene una ruptura del ligamento cruzado anterior de la rodilla izquierda. En los próximos días se procederá a tratamiento quirúrgico pic.twitter.com/rGt4zMHmDU
— FC Barcelona (@FCBarcelona_es) November 25, 2018
Në fakt, Rafinha ka qenë i pafat në këtë këndvështrim. 26 vjecar në shkurt, braziliani kishte pësuar një këputje të ligamentit anterior, vetëm se të gjurit të djathtë, në 16 shtator 2015, gjatë ndeshjes së Champions League kundër Roma. Edhe kalimi tek Inter ndodhi me lojtarin që kishte muaj inaktiviteti për shkak të ndrydhjes së gjurit të djathtë në prill të 2017. E tani vjet dëmtimi në gjurin e majtë, që I humbi sezonin mesfushorit, për të cilin mbërritën edhe mesazhet nga ana e tifozëve të Inter.