Partizani është shumë i fortë për Tiranën dhe 5 minuta nga fundi bardheblutë dorëzohen në një tjetër humbje, që thellon edhe më shumë krizën e klubit më të titulluar në vend.
Rubin Hebaj ka shënuar edhe golin e dytë, në minutën e 86, duke ndëshkuar Abibin dhe Tiranën, në një tjetër kryeqytetase të dështuar e me riskun për të shkaktuar një tjetër furtunë tek bardheblutë, gjithnjë në zonën e ftohtë të renditjes e me vetëm dy pikë në 6 ndeshje me Ardian Memën në pankinë.
Sulmuesi shkodran shënon golin e parë me fanellën e kuqe në Superiore, pikërisht në derbi, duke treguar qartë se Partizani nuk ka ndërmend të heqë dorë nga derbi i 15 radhazi pa njohur humbje.