Superklasikja River Plate-Boca Juniors, finalja e kthimit të Kupës Libertatores, “do të luhet në Madrid: vendimi është i pakthyeshëm”. Lajmin e ka bërë të ditur presidenti i CONMEBOL, Alejandro Domínguez, pas dy komunikatave me të cilat dy klubet e Buenos Aires kanë lajmëruar se nuk duan ta luajnë finalen e shumëpritur në Santiago Bernabeu të Madrid. CONMEBOL ka bërë të ditur mënyrën e blerjes së biletave, që nuk janë të transferueshme.
Numri 1 i futbollit latino-amerikan ka bërë të ditur se Daniel Angelici (presidenti i Boca) e Rodolfo D’Onofrio (presidenti i River) i kanë dhënë fjalën (“e për mua fjala ka rëndësi “) se sfida do të luhet në Bernabeu. “Nëse ka dicka për të cilën jam i sigurtë, është se ndeshja do të luhet në Madrid, kjo është e pakthyeshme”, ka thënë Dominguez.
Ndërkohë, Conmebol ka zbuluar, përmes një komunikate zyrtare, mënyrën e shpërndarjes së biletave për dy tifozeritë: 5.000 për secilën për rezidentët në Argjentinë e cdo skuadër duhet të bëjë të ditur emrin dhe numrin e dikumentit. Përvec kësaj, biletat e shitura në Argjentinë duhet të tërhiqen fizikisht në Madrid me prezantimin e personit. Për motive sigurie, biletat mund të tërhiqen vetëm nga personat që do ti përdorin, pa asnjë delegim. Biletat nuk janë të transferueshme.