Qendërsulmuesi është ai vetë e këtu nuk kishte asnjë dyshim. Për pjesën tjetër mes Milan e Juve, spikat një emër befasues. Gjithnjë në pritje për të kuptuar nëse janari do të jetë muaji i rikthimit të tij në Serie A, Zlatan Ibrahimovic është zbavitur duke formuar 11-shen ideale të ish-shokëve të tij të skuadrave. Nga Buffon deri tek vetja, por pa harruar “armikun” Leo Messi. Janë të gjithë më të mirët, e për të qenë të drejtë Pleshti nuk mund të mungonte. Por nga një si Ibra përjashtimi i argjentinasit nuk do të përbënte lajm. Lajmi mund të jetë, nëse mund ta quajmë kështu një të dhënë merkato, përfshirja tek rezervat e atij që mund të jetë trajneri i ardhshëm i suedezit, Rino Gattuso. Me konkurencën e ashpër të mesfushoës, ku Zlatan ka përfshirë Xavi, Vieira e Nedved, nuk mund të fitonte një vend si titullar, por edhe pankina e një formacioni kaq kompetitivë është shenja e një vlerësimi.
Por meqë jemi tek formacioni ideal i Ibra: Buffon në porta, linjë me katër mbrojtës me Thuram djathtas, mikun e pandashëm Maxëell në të majtë e dyshen e qendrës Thiago Silva-Nesta; Xavi në regji me Vieira e Nedved në mesfushë, ndërsa Messi me Ronaldinho pas shpinës së …Ibra. Një skuadër e kompletuar që në pankinë ka nga Gattuso, Julio Cesar, Iniesta, Seedorf e Cannavaro. Jo keq, edhe pse po të kërkosh mes ish-shokëve të suedezit ndonjë të përjashtuar të shkëlqyer ka dhe jo pak madje. Mungon trajneri, vetëm nëse ai nuk ëshë… Gattuso.